Çinin ən böyük dövlət qaz kəməri şirkəti olan China Oil & Gas Pipeline Network Corp. (PipeChina) öz milli təbii qaz qiymət indeksini yaratmağa çalışır. Bu barədə Bloomberg yazır.
Nəşr qeyd edir ki, bu onunla əlaqədardır ki, bu növ yanacağın dünyada ən böyük idxalçısı olan Çin qlobal qiymətlərə təsirini artırmağa çalışır.
Çinli idxalçılar adətən S&P Global Platts tərəfindən gündəlik dərc olunan mayeləşdirilmiş təbii qaz üçün Asiya Yaponiya Koreya Marker qiymət meyarına əsaslanaraq, neftin dəyərinə bağlı uzunmüddətli müqavilələr vasitəsilə və ya spot bazarda qaz alırlar. Lakin Çin öz tələb və təklifindəki dəyişiklikləri daha yaxşı əks etdirən öz qiymət indeksinə sahib olmaq istəyir, agentlik aydınlaşdırıb.
Mənbə: Bloomberg
