Rusiyanın AvtoVAZ dilerləri iki aylıq Lada avtomobil ehtiyatını toplayıb. Bu barədə Qazeta.Ru-ya Rusiya Avtomobil Dilerləri (ROAD) assosiasiyasının rəhbəri Aleksey Podşekoldin məlumat verib. Ekspertin fikrincə, bu onunla bağlıdır ki, alıcılar yerli sedan və vaqonlar əvəzinə daha çox Çin krossoverlərini almağa başlayıblar.
“Diler anbarlarında iki ay öncədən “Lada” markalı avtomobillərin ehtiyatı var. Bu, Lada modellərinin qiymətinin 2 milyon rubla çatması və bir çox alıcının daha yüksək sinifli Çin avtomobili almaq üçün yalnız əlavə 200-300 min rubl ödəməsi ilə bağlıdır. Məsələn, Chery Tiggo 4 Pro”, – deyə Podşekoldin bildirib.
ROAD rəhbərinin sözlərinə görə, alıcılar rəqabət üstünlüklərinə görə Çin avtomobillərini seçirlər. Məsələn, onların rahatlığı və avtomatik transmissiyanın olması, AvtoVAZ-ın eyni flaqman modeli Lada Vesta isə yalnız mexaniki transmissiya ilə təklif olunur.
Mənbə: Gazeta.ru
