William Paterson Universitetinin (WP) alimləri müəyyən ediblər ki, limon, çiyələk, portağal, qreypfrut və böyürtkəndə insan üçün faydalı maddələrin maksimum miqdarı var.
Araşdırmanın nəticələri universitetin saytında dərc olunub.
Tədqiqatçılar 41 bitki mənşəli qidanın tərkibini təhlil edərək, tərkibindəki 17 əsas qida maddəsini, o cümlədən A və B12 vitaminlərini müqayisə ediblər.
Limon meyvələr arasında faydalı komponentlərin tərkibinə görə mütləq liderə çevrilib. Bu sitrus meyvəsi zəngin C vitamini mənbəyidir: 100 qram məhsulda 53 mq bu maddə var. Bundan əlavə, limon yemək orqanizmi kalium, maqnezium və liflə təmin edir ki, bu da immunitet sistemini gücləndirir və dərinin vəziyyətini yaxşılaşdırır.
Çiyələk tərkibindəki yüksək C vitamini (100 qr-da 62 mq) ilə də mütəxəssisləri təəccübləndirib. Tərkibində hematopoez üçün faydalı olan fol turşusu, kalsium və dəmir də var.
Alimlərin fikrincə, portağal immunitet sistemini gücləndirən və ürək-damar sağlamlığını dəstəkləyən qida kimi reputasiyasını sübut edib. Normal hüceyrə funksiyasına və maddələr mübadiləsinə kömək edən C vitamini, kalium və maqneziumla zəngindir.
