Slovakiyanın baş naziri Robert Fiko bildirib ki, Rusiyadan Avropa İttifaqına qaz idxalı dayandırılarsa, Slovakiya digər ölkələrdən daha çox zərər görəcək. O, bu proqnozu “Radio Slovensko” radiostansiyasının efirində verib.
“Biz [təchizat dayandırıldıqdan sonra] ən çox əziyyət çəkən ölkə olacağıq” dedi Baş nazir.
Fiko Aİ-nin Rusiya qazından mümkün imtinasını “dizdən vurulan zərbə” adlandırıb və bu qərarı ideoloji cəhətdən zərərli kimi qiymətləndirib. O, həmçinin Avropa Şurasının iclasının yekunları üzrə dərc olunan sənədlərdə sülh təşəbbüslərinin olmadığını qeyd edib.
