TASS xəbər verir ki, Fransa Xarici İşlər Nazirliyi bildirib ki, Paris Qərbi Afrika Ölkələri İqtisadi Birliyinin (ECOWAS) Nigerdə konstitusiya quruluşunun bərpasına və ölkə prezidenti Məhəmməd Bazumun azadlığa buraxılmasına yönəlmiş bütün qərarlarını tam dəstəkləyir.
Nazirlikdən bildirilib ki, söhbət ECOWAS-ın dövlət və hökumət başçılarının avqustun 10-da keçirilən fövqəladə sammitində qəbul edilmiş qərarlardan gedir.
Fransa Xarici İşlər Nazirliyi həmçinin qeyd edib ki, icma ölkələrinin liderləri “Nigerdə konstitusiya və demokratik nizamı bərpa etmək və prezident Bazumun və onun ailə üzvlərinin dərhal azad edilməsinə nail olmaq niyyətlərini təsdiqləyiblər”.
Mənbə: TASS
