2024-cü ilin yanvar-sentyabr aylarında Gürcüstandan Rusiyaya şərab tədarükü 14% artaraq rekord həddə – 146,9 milyon dollara çatıb.
RİA Novosti Gürcüstanın statistika xidmətinin məlumatlarına istinadən xəbər verir.
Rusiya Gürcüstan şərabının ən böyük bazarına çevrilib, ixracın 68,5%-ni təşkil edir. İkinci yerdə 5,2 faizlə Polşa, üçüncü yerdə 4,1 faizlə Ukrayna, dördüncü yerdə 3,8 faizlə Qazaxıstan, beşinci yerdə isə 3,1 faizlə Çin qərarlaşıb.
Şərabdan başqa, Gürcüstan Rusiyaya güclü spirt tədarükünü xeyli artırıb: ixracın həcmi 2,7 dəfə artaraq 110 milyon dollar təşkil edib. Bu tədarüklərin əsas hissəsini konyak (107 milyon dollar), həmçinin viski (2,6 milyon dollar) və araq (442 min dollar) götürüb.
