Gürcüstanın baş naziri İrakli Kobaxidze xəbərdarlıq edib ki, ABŞ növbəti sanksiyalar tətbiq edərsə, Tbilisi Vaşinqtonla münasibətlərinə yenidən baxacaq. Bu barədə Newsgeorgia.ge portalı yazır.
ABŞ səfiri Robin Dunnigan Kobaxidze ilə görüşdən sonra bildirib ki, Tbilisi sanksiyalarla bağlı yeni qərarlar qəbul ediləcəyi təqdirdə Vaşinqtonla münasibətlərdə öz mövqelərinə “əhəmiyyətli şəkildə yenidən baxacaq”.
“Bu qərarı 16 sentyabrda 64 vətəndaşa qarşı sanksiyalarla bağlı qəbul edən Amerika tərəfi kritik məqama yaxınlaşıb. Başqa bir oxşar qərar qəbul olunarsa, bu, Gürcüstanın gürcü-amerikan münasibətlərində mövqeyinin əhəmiyyətli dərəcədə yenidən nəzərdən keçirilməsinə səbəb ola bilər”, – Kobaxidze bildirib.
Mənbə: Sputnik
