“RİA Novosti” BCM-in mətbuat xidmətinin bəyanatına istinadən xəbər verir ki, Birləşmiş Ştatlar onun hakimlərinə qarşı sanksiyalar tətbiq etməklə Beynəlxalq Cinayət Məhkəməsinin (BCM) müstəqilliyinə xələl gətirmək istəyir.
Məhkəmənin bəyanatında deyilir: “Bu tədbirlər dünyanın hər yerindən 125 üzv dövlətin mandatı altında fəaliyyət göstərən beynəlxalq məhkəmə institutunun müstəqilliyini pozmağa yönəlmiş açıq cəhddir”.
Fevral ayında BCM-nin prokuroru Kərim Xan ABŞ prezidenti Donald Trampın tətbiq etdiyi ABŞ sanksiyalarına məruz qalan ilk şəxs olub. Sanksiyalar ABŞ vətəndaşlarına və ya onların müttəfiqlərinə qarşı araşdırma aparan hərbi cinayətlər tribunalına qarşı tədbirlərin bir hissəsi kimi tətbiq edilib.
