“Red Electrica” operatorunun baş icraçı direktoru Eduardo Prieto bildirib ki, İspaniyanın elektrik enerjisi şəbəkəsində böyük fasilədən sonra elektrik enerjisinin bərpası 6-10 saat çəkə bilər.
Bu barədə Reuters xəbər verir.
O vurğulayıb ki, şirkət baş verənlərin səbəbləri barədə spekulyasiya edə bilməz.
Bundan əvvəl İspaniya və Portuqaliyanın enerji sistemlərinin böyük nasazlıqdan sonra 10 giqavatdan (GW) çox gücü itirdiyi bildirilirdi.
O da məlum olub ki, Portuqaliya Elektrik İdarəsi ölkənin bir hissəsinə elektrik enerjisinin verilməsini bərpa etməyə başlayıb.
