“Times of Israel” qəzeti yazır ki, İsrail müxalifətinin liderlərindən biri Benni Qantz bildirib ki, ölkənin məhkəmə sistemində hakim koalisiya tərəfindən aparılan islahat ciddi səhvdir və nəticədə ləğv ediləcək.
Qantsın fikrincə, parlamentdə islahatın təsdiqinə səs verənlər tezliklə belə bir qərarın qəbul edilməsinin bütün ölkə üçün ciddi səhv olduğunu anlayacaqlar. O, ümid etdiyini bildirib ki, İsraildə davam edən kütləvi etirazlar qaçılmaz olaraq nəticə verəcək. Gantz qeyd edib ki, müxalifət döyüşdə uduzmuş ola bilər, lakin o, mütləq “müharibədə qalib gələcək”. Ona görə də parlamentin təsdiq etdiyi hər şey gec-tez ləğv olunacaq.
Bundan əvvəl İsrail hökumətinin başçısı Benyamin Netanyahu bildirmişdi ki, ölkədəki hakim koalisiya müxalifətin etirazına səbəb olan məhkəmə islahatını həyata keçirərək, bununla da yalnız seçicilərin iradəsini yerinə yetirir.
Mənbə: BBC