İsveçdə hesab edirlər ki, iki yaşından kiçik uşaqlar ümumiyyətlə qadcet ekranlarına baxmamalıdırlar, AFP ölkənin İctimai Səhiyyə Agentliyinə istinadən xəbər verir.
Səhiyyə naziri Yakob Forssmed hesab edir ki, smartfonlar uşaqlar üçün “çox uzun müddətdir” icazə verilib və həyatın bütün sahələrinə nüfuz edib. Onun sözlərinə görə, isveçli yaşlı yeniyetmələr dərsdən kənarda gündə orta hesabla altı saat yarım vaxtını ekran qarşısında keçirirlər.
Yeni təlimatlarda deyilir ki, iki-beş yaş arası uşaqlar gündə bir saatdan çox ekran qarşısında, altı-12 yaşlı uşaqlar isə iki saatdan çox vaxt keçirməməlidir. 13-18 yaş arası yeniyetmələr özlərini gündə iki-üç saatla məhdudlaşdırmalıdırlar. Eyni zamanda, iki yaşınadək uşaqlar rəqəmsal mediadan və televiziyadan tamamilə qorunmalıdır.
Mənbə: Haberler.com
