İsveçin baş naziri Ulf Kristersson hərbi vəziyyətə görə Cənubi Koreyaya səfərini təxirə salıb.
Bu barədə Yonhap agentliyi məlumat yayıb.
Hərbi vəziyyət ləğv edilməzdən əvvəl altı saat ərzində qüvvədə idi.
İsveç hökumətinin başçısının səfəri dekabrın 5-də başlamalı idi. Dekabrın 2-də Qırğızıstan Prezidenti Sadır Japarov Cənubi Koreyaya səfər edib.
Dekabrın 3-də Cənubi Koreya prezidenti Yun Seok-yeol respublikada hərbi vəziyyətin tətbiq olunduğunu elan edib. O, qərarını “Şimali Koreyayönlü qüvvələrin kökünü kəsmək və azad konstitusiya quruluşunu qorumaq” zərurəti ilə izah edib.
Yerli jurnalistlər əmindirlər ki, dövlət başçısının hərəkətləri onun siyasi opponentlərinin ona qarşı impiçment proseduru həyata keçirmək cəhdləri ilə bağlıdır.
