Çin Xalq Respublikasının Sahil Mühafizəsi Filippin hökumət gəmisinə qarşı su şırnaqlarından istifadə edib. Bu barədə Filippin Sahil Mühafizəsinin sözçüsü Cey Tarriela X sosial şəbəkəsində (keçmiş Twitter) bildirib.
“CCG 3302 BRP Datu Pagbuaya gəmisinə su şırnaqından atəş açıb”, o qeyd edib.
Hadisə Moskva vaxtı ilə saat 1:50-də baş verib. Tarrielanın sözlərinə görə, Çin nümayəndələri “birbaşa naviqasiya antenalarını” hədəfə alıblar.
Oktyabr ayında ABS-CBN News, Çin sahil mühafizə gəmisinin Paqasa adasının yaxınlığında Cənubi Çin dənizində Filippin Balıqçılıq və Su Resursları Bürosu (BFAR) gəmisi ilə qəsdən toqquşduğunu bildirmişdi. Telekanalın məlumatına görə, Çinin sahil mühafizə gəmisi təhlükəli manevrlər edərək Filippin gəmisinin yolunu kəsməyə cəhd edib.
