Dərinin qocalması təbii, proqramlaşdırılmış yaşa bağlı bir prosesdir. Onun nəticələrindən biri də üzdə və bədəndə qırışların – müxtəlif dərinlik və uzunluqdakı qıvrımların əmələ gəlməsidir. Adətən, onlar dərialtı yağın minimal qalınlığı və bitişik əzələlərin artan motor fəaliyyəti olan yerlərdə – üz, boyun, dekolte və əllərdə daha aydın görünür.
Bu barədə Gazeta.Ru-ya Semeynaya klinikalar şəbəkəsinin dermatoveneroloqu, kosmetoloqu İrina Marçenko İrina məlumat verib.
Onun sözlərinə görə, gündəlik həyatda qıvrımlar və qırışlar tez-tez qarışdırılır.
“Qıvrım daha qlobal yaşa bağlı bir fenomendir. Hansı ki, bütün üz strukturlarının, o cümlədən dərialtı piylərin yaşlanmasına əsaslanır. Qırış dəri ilə məhdudlaşan estetik qüsurdur və gənc yaşlarda da görünə bilər. Həddindən artıq quru dəridən, düzgün olmayan qulluqdan, həddindən artıq qaralmadan, aktiv üz ifadələrindən və ya pis vərdişlərdən” deyə izah etdi.
