Livan Bankları Assosiasiyası (ALB) narazı əmanətçilərin yeni hücum dalğası səbəbindən müştərilərinə xidmətlərin müvəqqəti dayandırıldığını elan edib. ALB-nin Twitter-də dərc edilən açıqlamasına görə, işçilərin təhlükəsizliyini təmin etmək və maddi ziyanın qarşısını almaq üçün 21 iyul cümə günündən etibarən bank qurumlarının qapıları qeyri-müəyyən müddətə bağlanacaq. Bu barədə TASS yazır.
İyulun 18-də naməlum şəxs “Kredit Libanais” bankının Şxim şəhərindəki filialına qumbaraatanla daxil olaraq 3 il əvvəl maliyyə böhranı səbəbindən bağlanmış dondurulmuş hesabdan 35 min dolların ona qaytarılmasını tələb edib. Müalicə üçün ödəməli olduğu məbləğin bir hissəsini alan cinayətkar mühafizəçilərə təslim olub. Oxşar hadisələr iyulun 19 və 20-də Antellas, Beyrut və Bint Jbeildə baş verib. Çərşənbə günü ALB səlahiyyətlilərdən bank ofislərinin hücumlardan qorunmasını tələb edib, lakin hökumət müvafiq tədbirlər görməyib.
Cümə axşamı Sin el Fildə daha bir insident baş verib, burada Byblos Bank-ın filialına soxulan iki nəfər onlara 23 000 ABŞ dolları məbləğində əmanət verilməsə, binaları yandıracaqları ilə hədələyiblər.Bu səbəbdən ALB bank qurumlarının işini müvəqqəti dayandırmaq qərarına gəlib.
Mənbə: TASS