Rusiya FSB-nin Qərb Hərbi Dairəsi üzrə İdarəsi Luqansk Xalq Respublikası (LXR) ərazisində Ukrayna vətəndaşlarının Ukrayna kəşfiyyatı ilə əməkdaşlıq etmək cəhdlərini müəyyən edib və dayandırıb. Bu barədə TASS idarənin mətbuat xidmətinə istinadən xəbər verir.
Qeyd olunur ki, saxlanılan şəxslər xüsusi hərbi əməliyyat zonasında Rusiya bölmələrinin yerləşdiyi yer barədə məlumat toplayıb, həmçinin “20-ci Əlahiddə Ümumqoşun Ordusunun birlik və birləşmələrinin digər hərbi fəaliyyətləri” haqqında məlumat ötürüblər.
Oxşar həbslər son vaxtlar mütəmadi olaraq bildirilir. Belə ki, FSB mayın 2-də Tambov sakininin Rusiyada qadağan olunmuş iki terror təşkilatında eyni vaxtda işlədiyini etiraf edən videonu nümayiş etdirib. Saxlanılan şəxs Ukrayna xüsusi xidmət orqanlarının nümayəndəsi ilə yazışmalar apardığını və onu ölkəmiz ərazisində təxribat və terror aktları törətməyə inandırdığını bildirib.
Mənbə: TASS
