Rusiya ilə ABŞ arasında ticarət dövriyyəsi mart ayında son iki ilin ən yüksək səviyyəsinə yüksəlib. Bu barədə RİA Novosti Amerika statistika xidmətinin məlumatlarına istinadən məlumat yayıb.
Fevralda iki ölkə arasında ticarət dövriyyəsi 389,4 milyon dollar təşkil edib, martda bu, bir yarım dəfə artaraq 573,4 milyon dollar olub ki, bu da ticarət həcminin 628,5 milyon dollar olduğu 2023-cü ilin martından bu yana maksimum göstərici olub.
Agentliyin qeyd etdiyi kimi, bu, Rusiya ixracının artımı hesabına baş verib – 339,6 milyon dollardan 523,45 milyon dollara. ABŞ 219 milyon dollara gübrə, 87,5 milyon dollara platin, 6 milyon dollara faner və 5 milyon dollara fosfat idxal edib.
