İdman araşdırmaları şirkəti SSRS, “İnter Mayami”də çıxış edən argentinalı futbolçu Lionel Messinin hazırda ABŞ-da ən populyar idmançı olduğunu bildirib.
Şirkət hər rüb 12 yaşdan yuxarı azarkeşlər arasında sorğu keçirir. Messi sorğuda qalib gələn ilk futbolçu oldu. O, son sorğuda bütün səslərin 5%-dən azını toplayıb. Bundan əvvəl lider keçmiş basketbolçu Maykl Cordan idi.
Messi iki il Fransanın Paris Saint-Germain klubunda oynadıqdan sonra 2023-cü ilin yayında Amerika klubuna keçdi. Avqustun 20-də argentinalı Amerikada ilk kuboku – Liqa Kubokunu qazandı. Ötən mövsüm 14 oyunda Messi 11 qol vurub və 5 məhsuldar ötürmə edib.
Mənbə: TRT Spor
