Şəkillərin yaradılması üçün eyniadlı neyron şəbəkəsinin yaradılmasına cavabdeh olan Midjourney şirkəti öz məhsulunun pulsuz versiyasına girişi bağlayıb.
Bu barədə Business Insider məlumat yayıb.
Midjourney-in təsisçisi David Holtz şirkətin rəsmi Discord serverində “Hədsiz yüksək tələbat və sınaqdan sui-istifadə səbəbindən sistem yeniləməsini buraxana qədər pulsuz sınaqları müvəqqəti olaraq dayandırırıq” dedi.
Daha əvvəl Midjourney-də dəbli ağ gödəkçədə Papa Fransisin və Donald Trampın polis tərəfindən həbs edilməsinin görüntüləri sosial mediada yayılıb.
Bəzi istifadəçilər onları o qədər real gördülər ki, onların neyron şəbəkə tərəfindən yaradıldığını dərhal dərk etmədilər. Bu görüntülərin viral yayılmasından qısa müddət sonra Twitter-də istifadəçilərə həqiqi fotoya deyil, neyron şəbəkənin işinin nəticəsinə baxdıqları barədə xəbərdarlıq edən xüsusi lövhə peyda olub.
Mənbə: Lenta.ru
İctimai.az
