Moldova prezidenti Maia Sandu keçirdiyi mətbuat konfransında Dnestryanıda hərbi helikopterə hücumun təxribat olduğunu bildirib.
“Bizdə olan məlumata görə, bu, insanlar arasında gərginlik və qorxu saxlamaq üçün təxribata bənzəyir”, – Moldova prezidenti deyib.
Sandu Ukraynanın hücumda iştirak etmədiyini bildirən Moldova hökumətinin mövqeyinə sadiqdir.
Martın 17-də Dnestryanıdakı hərbi hissələrdən birində yanğın baş verib, nəticədə köhnə Mi-8MT helikopteri yanıb. İlkin məlumatlara görə, buna kamikadze pilotsuz təyyarənin hücumu səbəb olub.
Mənbə: TASS