Dnestryanı Respublikasının Xarici İşlər Nazirliyi Moldova hakimiyyətini “Moldovaqaz” müəssisəsinin Rusiyanın “Qazprom” konserni qarşısında borcunu ödəməyə çağırıb.
Bu barədə Dnestryanı Xarici İşlər Nazirliyinin mətbuat xidməti xəbər verir.
Borca görə tanınmamış respublikaya qazın verilişinin dayandırıldığı dəqiqləşdirilir.
Keçən həftə respublika prezidenti Vadim Krasnoselski Moldovanın borcunu enerji böhranının səbəbi adlandırdı və vəziyyətlə bağlı çoxlu spekulyasiyalara diqqət çəkərək, əhalini təxribatlara uymamağa çağırdı. Eyni zamanda dedi ki, söhbət 709 milyon dollarlıq borcdan gedir.
Noyabrda Moldovanın baş naziri Dorin Recean bəyan etmişdi ki, ölkə istehlak etdiyi yanacağa görə “Qazprom”a olan 709 milyon dollar məbləğində borcunu ödəməyəcək.
