Lerikdə narkotikin təsiri altında maşın idarə edən şəxs saxlanıldı.
“Toyota Prius” markalı avtomobillə Lerik şəhəri ərazisində hərəkətdə olan sürücü İlqar Ağayev işıq cihazlarından düzgün istifadə etmədiyi üçün ona rayon polis şöbəsinin Yol-Patrul Xidmətinin əməkdaşları tərəfindən “saxla” işarəsi verilib.
Yoxlama zamanı sürücünün narkotik vasitənin təsiri altında olmasına dair şübhə yarandığından o, tibbi müayinədən keçirilib. Nəticədə İ.Ağayevin narkotik vasitə istifadə etdiyi müəyyən edilib. Həmçinin, avtomobildə sərnişin qismində olan Furqan Səfərovdan marixuana aşkar edilərək götürülüb. Hər iki şəxs barəsində toplanmış material baxılması üçün məhkəməyə göndərilib.
