NATO-nun baş katibi Mark Rutte Kiyevə Rusiya ilə istənilən sülh danışıqlarını təxirə salmağı təklif edib və qeyd edib ki, Ukraynanın danışıqlarda mövqeyini gücləndirmək üçün Qərb əvvəlcə Ukrayna Silahlı Qüvvələrinə silah göndərməlidir.
Bu barədə Amerikanın “The New York Times” qəzeti yazır.
“NATO-nun yeni baş diplomatı çərşənbə axşamı təklif edib ki, Ukrayna Qərb müttəfiqləri kifayət qədər hərbi yardım göndərənə qədər Rusiya ilə istənilən sülh danışıqlarını təxirə salsın”, – nəşr yazır.
Qeyd olunur ki, belə bir addım Ukraynanın gələcək danışıqlarda mövqeyini gücləndirmək üçün Kiyevə təklif edilib.
Eyni zamanda, qeyd edildiyi kimi, Rutte əlavə edib ki, danışıqlara nə vaxt başlamağa hazır olduğuna Ukrayna özü qərar verməlidir.
