Nyu-York meri Erik Adamsa federal məhkəmədə ittiham irəli sürüləcək.
Bu barədə “The New York Times” istintaqdakı mənbələrə istinadən məlumat yayıb.
Adamsın federal cinayətdə ittiham ediləcəyi anlaşılır – lakin Nyu-Yorkun hazırkı merinin konkret nəyi törətdiyi göstərilmir. Eyni zamanda, Adams və komandasının üzvləri əvvəllər korrupsiyada mümkün iştirakı ilə bağlı federal araşdırmanın bir hissəsi kimi çağırış vərəqələri alıblar. Adams 2021-ci il seçki kampaniyası üçün pul yığarkən Türkiyə hakimiyyət orqanlarından qeyri-qanuni ianələr almaqda şübhəli bilinə bilər.
Nəşr qeyd edir ki, Adamsa qarşı ittihamların irəli sürülməsi onun Amerikanın ən böyük şəhərinə rəhbərlik etmək qabiliyyətini şübhə altına alacaq və onu Nyu-York meri postunu tərk etməyə çağıranların səsini gücləndirəcək.
Mənbə: CNN Türk
