Paraqvayda hüquq-mühafizə orqanlarının keçirdiyi Maranqatu əməliyyatı zamanı 57 ton marixuana müsadirə edilib.
Bunu ölkə prezidenti Santyaqo Pena X sosial şəbəkəsindəki (keçmiş Twitter) səhifəsində bildirib.
“Biz Marangatu əməliyyatı ilə mütəşəkkil cinayətkarlığa güclü zərbə vura bildik. Bu, 57 ton sıxılmış marixuananın müsadirə olunmasına imkan verib”, – o qeyd edib.
Pena bildirib ki, narkotik alverçiləri marixuananı Braziliyaya göndərməyi planlaşdırıblar. Onun sözlərinə görə, bu, müsadirə edilən ən böyük narkotik daşımalarıdır.
Pena əlavə edib ki, əməliyyat nəticəsində 4 nəfər saxlanılıb.
