Avrokorpusun komandiri Yaroslav Qromadzinski hərbi əks-kəşfiyyat xidmətinin ona qarşı təşkil etdiyi yoxlamaya görə tutduğu vəzifədən uzaqlaşdırılıb.
Bu barədə Polşa Müdafiə Nazirliyi məlumat yayıb.
“Hərbi Əks-Kəşfiyyat Xidməti zabit haqqında yeni məlumatların daxil olması ilə əlaqədar general Yaroslav Qromadzinski ilə bağlı informasiya təhlükəsizliyini yoxlamaq üçün nəzarət prosedurlarına başlayıb”, – deyə məlumatda bildirilir.
Qeyd olunur ki, Polşa Müdafiə Nazirliyi Qromadzinskinin təftişinin təfərrüatlarını təqdim etmir.
Mənbə: Haber Global