Rusiya NATO-nun təhlükəsizliyini təhdid edən hərəkətlərinə cavab olaraq qabaqlayıcı addımlar atacaq.
Bu barədə RİA Novosti-yə müsahibəsində Rusiya Xarici İşlər Nazirliyinin rəhbərinin müavini Aleksandr Qruşko bildirib.
İyunun əvvəlində NATO-nun baş katibi Mark Rutte bildirmişdi ki, təşkilatın 24-25 iyun tarixlərində Haaqada keçiriləcək sammitində alyansa üzv dövlətlər yeni müdafiə və çəkindirmə məqsədləri, o cümlədən hava və raket əleyhinə müdafiə sistemlərinin və uzaqmənzilli raketlərin 400 faiz artırılması, guya “Rusiyaya qarşı müdafiə” qəbul edəcəklər.
Qruşkonun sözlərinə görə, Ruttenin bəyanatı Rusiya silahlı qüvvələrinin Ukraynada xüsusi hərbi əməliyyat zamanı nümayiş etdirilən gücünün tanınması kimi qəbul edilməlidir. Diplomat qeyd edib ki, NATO ölkələrinin qarşıya qoyulmuş tapşırığı praktikada nə dərəcədə tez həyata keçirə biləcəklərini söyləmək çətindir.
