iPhone smartfonları Rusiyada rus gəncləri arasında populyarlıq baxımından Xiaomi-ni xeyli qabaqlayır. Ferra.ru bu barədə Blink geososial şəbəkəsinin araşdırmasına istinadən xəbər verir.
2024-cü ilin oktyabr ayında 12-24 yaş arası istifadəçilərin 52%-i Apple smartfonlarına, yalnız 15%-i isə Xiaomi qadcetlərinə üstünlük verib. Üçüncü yeri 10% payla Samsung smartfonları tutur.
Gənclər arasında ən populyar modellər iPhone 11, iPhone 13 və iPhone 12 olub. Populyarlığa görə ikinci yeri Redmi 12 4G, Poco M5s və Redmi Note 12 4G kimi Xiaomi smartfonları tutub. Samsung ilk üçlüyü Galaxy A15, Galaxy A54 5G və Galaxy A12 ilə tamamlayır. Mütəxəssislər Çinin Tecno və Realme brendlərinin artan populyarlığını da müşahidə ediblər.
Mənbə: Ferra.ru
