Samsung növbəti flaqman smartfonu Galaxy S25 Ultra-da Battery AI adlı yeni funksiya ilə batareyanın ömrünü artırmağı planlaşdırır. Bu funksiyanın şirkətin Galaxy AI proqramının növbəti versiyasının bir hissəsi olacağı şayiələr var.
Bu barədə Wccftech məlumat yayıb.
Mənbənin sözlərinə görə, Battery AI smartfonun işinə xələl gətirmədən ümumi batareyanın ömrünü artırmaq üçün qeyri-vacib fon tapşırıqlarını söndürə biləcək. Dəqiq təfərrüatlar hələ məlum olmasa da, funksiyanın maksimum səmərəliliyə nail olmaq üçün Qualcomm Snapdragon 8 Gen 4 və ya Exynos 2500 prosessoru ilə inteqrasiyası gözlənilir.
Mənbə: Autotech
