“İzvestiya” yazır ki, Sibirdə 1000 km uçuş məsafəsinə malik böyük pilotsuz təyyarənin prototipi yaradılıb.
Materiala görə, layihə “Pilotsuz Təyyarə Sistemləri” tədqiqat və istehsal mərkəzi tərəfindən həyata keçirilir. Yazın sonu – payızın əvvəlində pilotsuz təyyarənin havaya buraxılması və Sibir tayqasında sınaqdan keçirilməsi planlaşdırılır.
Qəzetin yazdığına görə, ilkin plan PUA-dan bir-birindən çox uzaqda yerləşən yaşayış məntəqələri arasında nəqliyyat vasitəsi kimi istifadə etmək olub. Ancaq indi pilotsuz təyyarə hərbi nəqliyyat və ya bombardmançı pilotsuz təyyarə kimi də tələbat olacaq. O, uçuş-enmə zolağı tələb etmir, paraşütlə konteynerləri yerə endirə bilir və ən azı 200 kq faydalı yük daşımağa qadirdir.
“Dronun ölçüləri heyranedicidir: gövdəsinin uzunluğu təqribən 6 m, qanadlarının açıqlığı isə təqribən 10. Pilotsuz təyyarə 100 at gücünə malik porşenli mühərriklə təchiz edilib və 150-180 km/saat sürətlə 1000 km-ə qədər məsafədə uça biləcək”, – məqalədə deyilir.
