Al Mayadeen telekanalının məlumatına görə, Suriyanın şərqindəki Əl-Ömər neft yatağında yerləşən ABŞ hərbi bazası pilotsuz uçuş aparatları ilə hücuma məruz qalıb. Hərbi obyektin ərazisində bir neçə partlayış baş verib, partlayış səsləri ətrafda eşidilib.
Hücuma görə məsuliyyəti İraq İslami Müqavimət Hərəkatı öz üzərinə götürüb.
Bundan əvvəl Suriyanın Həsəkə əyalətinin cənubunda, Əl-Cəbbis neft yatağının yaxınlığında yerləşən Əl-Şəddadidəki Amerika bazası üzərində səmada kamikadze pilotsuz təyyarələr peyda olub. Yerüstü hava hücumundan müdafiə sistemləri onlara baraj atəşi açıb. Bu hücumun nəticələri barədə məlumat verilmir.
Mənbə: RİA Novosti
