SANEP sosioloji agentliyi Slovakiya vətəndaşları arasında keçirilən sorğunun nəticələrini açıqlayıb, sorğuda iştirakçıların böyük əksəriyyəti yalnız iki cinsin tanınması haqqında müddəanın konstitusiyaya uyğun təsbit edilməsi təşəbbüsünü dəstəkləyib.
Bu barədə TASS məlumat yayıb.
Hökumətin təşəbbüsünü vətəndaşların 74,6 faizi dəstəkləyib. Respondentlərin 75,2%-i yalnız ənənəvi evli cütlüklərin uşaqları övladlığa götürə biləcəyinə əmin olduğunu bildirib. Respondentlərin 70,7%-i mədəniyyət və etik məsələlərdə respublikanın qanununun Aİ-nin hüquqi aktlarından üstünlük təşkil etməli olduğunu iddia edir.
Qeyd olunur ki, iyunun 8-dən 11-dək keçirilən sorğuda 2,3 min yetkin slovak iştirak edib.
Yanvarda Slovakiyanın baş naziri Robert Fiko bəyan etmişdi ki, ölkə konstitusiyaya yalnız iki cinsi – kişi və qadını tanıyan müddəanı təsbit etməyi planlaşdırır.
