Yaponiyanın Sony Qrupu rekord satışlara görə 2022-ci maliyyə ili üçün (31 mart 2023-cü ildə başa çatmışdır) rekord illik mənfəət əldə etdiyini bildirdi.
Bu barədə şirkətin mətbuat xidməti öz saytında məlumat yayıb.
İstehsalçının satışından əldə etdiyi mənfəət hesabat dövrü üçün 11,53 trilyon yen (85,4 milyard dollar) təşkil edib ki, bu da 2022-ci maliyyə ili ilə müqayisədə 16% çoxdur. Həmçinin şirkət xalis mənfəətini 6,2% artıraraq 937,1 milyard yenaya (6,9 milyard dollar) çatdırıb.
Bu cür göstəricilər flaqman Playstation 5-in, onun üçün oyunlar və periferiyaların qlobal satışı sayəsində əldə edilib. Ümumilikdə Sony bu modelin 19,1 milyon oyun konsolu satıb. Bir il əvvəl şirkət koronavirus pandemiyası fonunda logistika problemləri səbəbindən cəmi 11,5 milyon belə cihaz satmışdı.