“İdeyanı Reallaşdır – 2023” müsabiqəsinin qalibi olan Pəri İbrahimovanın “Teatrımızda yeni “Era” layihəsi çərçivəsində təlimlər keçirilib.
İctimai.az xəbər verir ki, müsabiqə Azərbaycan Respublikası Gənclər Fondunun dəstəyi ilə reallaşıb.
Layihə çərçivəsində təlimçi, Qazax Dövlət Dram Teatrının aktyoru Yusif Qoca tərəfindən layihə iştirakçılarına aşağıdakı mövzularda məlumatlar verilib:
1.Bölgədə teatrın faydaları;
2. Aktyor sənəti;
3. Aktyorun rol üzərində işi;
4. Düzgün danışıq qaydaları;
5. “Love BUTİK” tamaşasının təhlili;
6. Aktyor sənətinə gənclərin marağı;
7. Aktyorun müşahidə qabiliyyəti.
Təlimlərdən sonra iştirakçılar üçün Qazax Dövlət Dram Teatrına ekskursiya təşkil olunub və iştirakçılar bura ilə daha yaxından tanış olmaq imkanı əldə ediblər.
Qeyd edək ki, 3 günlük təlimlərdən sonra layihədə yer alan gənclərin iştirakı ilə Qazax Dövlət Dram Teatrında tamaşa hazırlanacaq.
Təlimlərin sonunda layihə iştirakçıları olan 15 gəncə sertifikatlar təqdim olunub.
Layihənin məqsədi gənc nəsilə teatr sevgisini aşılamaq, teatrlara maraq yaratmaq, gənclərin teatra axınını təşkil etmək və gənclərin daha səmərəli vaxt keçirməsinə şərait yaratmaqdır. Həmçinin teatra həvəsi olan gəncləri kəşf edib taparaq onları teatra cəlb edərək kadr çatışmazlığını aradan qaldırmaqdan ibarətdir.
Layihə Gənclərin İnkişaf və Karyera Mərkəzinin Qazax-Tovuz regional nümayəndəliyi və Qazax Dövlət Dram Teatrının tərəfdaşlığı ilə keçirilib.
