Monaş Universitetinin kanadalı kimyaçıları köhnə təkərləri və polietileni yüngül, kükürdsüz yağa çevirmək üçün üsul hazırlayıblar. Tədqiqat Waste Management (WM) elmi jurnalında dərc olunub.
Yeni texnologiya materialların qısa müddətdə yüksək temperatura qədər qızdırıldığı sürətli piroliz prosesinə əsaslanır. Alimlər həmçinin müəyyən ediblər ki, şin kauçukunun aşağı sıxlıqlı polietilenlə qarışdırılması adətən avtomobilin protektorları yandırıldıqda yaranan təhlükəli kükürd birləşmələrinin əmələ gəlməsini aradan qaldırır.
Homojen bir kompozisiya əldə etmək üçün komanda maye azotdan istifadə edərək şin qırıntılarını dondurdu və sonra onları adi qəhvəçəkən maşında 200-500 mikrometr toz halına gətirdi. Bundan sonra rezin plastik xammal ilə qarışdırılır və xüsusi sobada 15 saniyə ərzində 600°C temperaturda qızdırılır. Nəticədə tədqiqatçılar yüngül neft və az miqdarda bərk yanan qalıq – kömür əldə ediblər.
Mənbə: Lenta.ru
