Rusiya tərtibatçıları mühəndislər üçün xarici proqram təminatının lisenziyalaşdırılmasının qarşısını almaq xahişi ilə Rusiyanın baş naziri Mixail Mişustinə müraciət ediblər.
Bu barədə “Kommersant” Rusiyanın 263 İT şirkətini birləşdirən Domestic Soft Assosiasiyasının məktubuna istinadən yazır.
Nəşrin məlumatına görə, məktubda kompüter dəstəkli dizayn (CAD), obyektlərin tikintisi üçün modelləşdirmə sistemləri (BIM) və obyektin həyat dövrü sistemləri (PLM) nəzərdə tutulur.
Rusiya tərtibatçıları qeyd edirlər ki, Rusiyadan olan müştərilər özbaşına yerli proqram təminatına keçmək istəmirlər və xarici şirkətlər lisenziya almaq imkanlarını saxlasalar, bazara təsirini davam etdirəcəklər.
Daha əvvəl T1 Group-un baş direktoru İqor Kalqanov İT mütəxəssislərinin süni intellektə görə işsiz qalmaq qorxularından danışıb. Onun fikrincə, İT mütəxəssisləri hələ də süni intellekt sistemləri ilə əvəz olunmaqdan qorxmamalıdırlar.
Mənbə: Lenta.ru
İctimai.az
