ABŞ prezidenti Donald Trampın reytinqi 42%-ə düşüb, bu, onun prezidentliyə qayıtmasından bəri ən aşağı göstəricidir.
Bunu “Reuters” agentliyinin “Ipsos” tədqiqat şirkəti ilə birgə keçirdiyi sorğunun nəticələri sübut edir.
Əldə edilən məlumatlara görə, Trampın reytinqi cəmi bir neçə ay ərzində beş faiz bəndi aşağı düşüb: yanvarda vəzifəyə gəldikdən dərhal sonra reytinq 47%, aprelin əvvəlində isə 43% səviyyəsində qalıb.
Reuters xatırladıb ki, onun sələfi, demokrat Joe Biden prezidentlik müddətinə 55% daha yüksək reytinqlə başlayıb. Bununla belə, 2022-ci ildən bəri onun reytinqi 42%-dən yuxarı qalxmayıb və 2024-cü ilin oktyabrında minimum 35%-ə çatıb.
