Ukrayna prezidenti Vladimir Zelenskinin ofisinə yaxın bir rəsmi bildirib ki, Vatikanın ölkədəki münaqişəyə son qoymaq üçün sülhməramlı missiyası Ukrayna hakimiyyətinin “xəbəri və xeyir-duası” olmadan həyata keçirilir.
Bu barədə CNN məlumat yayıb.
“Zelenski Ukrayna adından belə müzakirələrə razılıq vermədi. Əgər danışıqlar gedirsə, bizim xəbərimiz və xeyir-duamız olmadan baş verir”, – deyə Ukrayna rəsmisi bildirib.
Bundan əvvəl Roma Papası Fransisk Vatikanın Ukrayna nizamlanmasına kömək etmək üçün “sülh missiyası” həyata keçirdiyini bildirib. Papanın Rusiya Federasiyası və Rus Pravoslav Kilsəsinin rəhbərliyi ilə təmaslarının mümkün vasitəçiləri və sülh yolu ilə nizamlanma yolları ilə bağlı sualı cavablandıran pontifik qeyd edib ki, hazırda missiya var, lakin indiyədək bu, ictimaiyyətə açıqlanmayıb.