Ukraynanın Sumı vilayətində partlayış baş verib. Bu barədə yerli TSN telekanalı məlumat yayıb.
Bölgədəki vəziyyətlə bağlı hələlik heç bir təfərrüat əldə edilməyib.
Eyni zamanda, Ukrayna Rəqəmsal Transformasiya Nazirliyinin onlayn xəritəsində qeyd olunur ki, səhər saatlarında ölkənin bir sıra regionlarında hava hücumu xəbərdarlığı qüvvədə olub. Bu, Sumi rayonuna da aiddir.
Oktyabrın 1-də Ukrayna hakimiyyəti Sumı vilayətinin bir sıra yaşayış məntəqələrindən uşaqların və onların valideynlərinin məcburi təxliyə edildiyini elan edib. 90 şəhər və kəndin sakinlərinə evlərini tərk etmək barədə xəbərdarlıq edilib.
Mənbə: Sputnik
