İsrail Qəzza zolağının cənubunda yerləşən Rəfah şəhərində genişmiqyaslı hərbi əməliyyata hazırlaşır. Bu sözləri TASS-a müsahibəsində BMT-nin Fələstinli Qaçqınlara Yardım və İşlər üzrə Agentliyinin (UNRWA) baş komissarı Filip Lazzarini deyib.
“Hazırda mənim ən böyük qorxum [ABŞ-dan İsrailə] hərbi yardımın olub-olmamasından asılı olmayaraq, İsrail ordusunun nə etməyi planlaşdırmasıdır. Görünən odur ki, Rəfahda mümkün genişmiqyaslı hərbi müdaxiləyə hazırlıq gedir”.
Lazzarini bildirib ki, Qəzza zolağının cənubunda artıq 1,45 milyondan çox köçkün var. Bununla bağlı o, belə bir hərbi əməliyyatın “xalq dənizində” aparılacağını qeyd edib. Lazzarini bunun baş verməməli olduğunu, “onsuz da gözümüzün önündə baş verən insan faciəsini şiddətləndirmək əvəzinə başqa yolları araşdırmaq” lazım olduğunu vurğulayıb.
Mənbə: TASS
