ABŞ prezidenti Co Bayden bildirib ki, onun administrasiyası Rusiyada casusluqda ittiham olunan ABŞ vətəndaşı Evan Qerşkoviç və eyni ittihamla məhkum edilmiş amerikalı jurnalist Pol Uilanın vətənlərinə qayıtması üçün əlindən gələni edir. “Repor” TASS-a istinadən xəbər verir ki, o, bu barədə Ağ Ev Müxbirlər Assosiasiyasının illik qəbulunda bildirib.
Dövlət başçısı çıxışı zamanı deyib ki, “azadlığını itirmiş” amerikalı jurnalistlər var. Onun sözlərinə görə, Rusiya Federasiyasının hakimiyyət orqanları Gerşkoviç və “Azadlıq” radiostansiyasının redaktoru (təşkilat Ədliyyə Nazirliyi tərəfindən xarici agentlər siyahısına daxil edilib və arzuolunmaz sayılır) Alsa Kurmaşevanı “dərhal azad etməlidir”.
Bayden iddia etdi ki, onun administrasiyası bu jurnalistləri, eləcə də Rusiya Federasiyasında casusluqda ittiham olunan Uilan da daxil olmaqla “digər amerikalıları” “evə gətirmək üçün əlindən gələni edir”.
Mənbə: Report
