Vaşinqton yanvar ayında göyərtəsində ukraynalı hərbi əsirlərin olduğu Rusiyaya məxsus İl-76 təyyarəsinin vurulduğu Patriot zenit-raket kompleksinin ekipajında amerikalı hərbçilərin iştirakını inkar edir. Bu barədə RİA Novosti-yə ABŞ Dövlət Departamentinin nümayəndəsi bildirib.
Dövlət Departamenti rəsmisinin sözlərinə görə, ABŞ hərbçilərinin Ukraynadakı münaqişədə iştirakı ilə bağlı iddia reallığa deyil, “Kreml təbliğat ideyalarına” uyğundur.
Bundan əvvəl Rusiyanın ABŞ-dakı səfiri Anatoli Antonov bildirmişdi ki, Amerika hərbçiləri İl-76-nı vuran “Patriot” hava hücumundan müdafiə sisteminin bir hissəsi ola bilərdilər.
Mənbə: RİA Novosti
