Kiyevin Şimali Atlantika Alyansına mümkün üzvlüyü ilə bağlı NATO-ya üzv ölkələrin birgə bəyanatını tənqid edən Ukrayna prezidenti Vladimir Zelenskinin davranışı Vilnüs sammitində ABŞ nümayəndə heyətinin üzvlərinin böyük narazılığına səbəb olub.
Bu barədə məlumatlı mənbəyə istinadən Washington Post (WP) məlumat yayıb.
Qəzetin mənbəsinin sözlərinə görə, Amerika nümayəndə heyətinin üzvləri Zelenskinin tvitinə görə “qəzəbləniblər”. Orada Ukrayna prezidenti “hirslə” NATO ölkələrini Kiyevin alyansa qoşulmaq istəyinə ciddi yanaşmamaqda ittiham edib. Zelenski Ukraynanın NATO-ya qəbulu üçün konkret müddətlərin olmamasını “görünməmiş və absurd” adlandırıb.
Nəşr qeyd edib ki, Zelenski tvitində Co Baydenin adını çəkməsə də, Ukrayna lideri ABŞ prezidentini NATO-nun rəhbəri, qərar qəbul edən şəxs adlandırıb və alyansa üzvlük çağırışlarını Ağ Evə göndərib.
Mənbə: Haberler.com