Avropalılar Ukraynada döyüşmək istəmirlər, ona görə də NATO-nun münaqişədə iştirakı ehtimalı azdır. Bunu Zaporojye vilayətinin başçısı Yevgeni Balitski “İzvestiya”nın NATO qoşunlarının Ukraynaya daxil olması təhlükəsi ilə bağlı sualını cavablandırarkən deyib.
Fevralın 26-da Fransa prezidenti Emmanuel Makron Avropa İttifaqından Ukraynaya hərbçilərin göndərilməsinin mümkünlüyünü etiraf edib. O bildirib ki, bu məsələ Parisdə keçirilən konfransda müzakirə olunub.
“O [Makron] bizə vəziyyəti obyektiv qiymətləndirməyə imkan vermir. Makron başa düşmür ki, avropalılar Ukraynada nəinki istəmir, hətta döyüşə də bilməz. Bacarmazlar – bu gün onların nə imkanları, nə gücü, nə xalqı, nə də daxilində dəstəyi var”, – deyə siyasətçi bildirib.
Mənbə: A Haber
