Rusiya Xarici İşlər Nazirliyinin rəsmi nümayəndəsi Mariya Zaxarova Teleqram kanalında Ağ Evin Vaşinqtonun Ukraynaya tədarük etməyi planlaşdırdığı tükənmiş uran mərmilərinin radioaktiv təhlükə yaratmaması ilə bağlı açıqlamasına münasibət bildirib və bu bəyanatı təkzib edən misallar gətirib.
Diplomatın qeyd etdiyi kimi, tükənmiş uranın toksikliyi və onun radioaktiv toz şəklində insan orqanizmi üçün xüsusi təhlükəsi, eləcə də torpağın radionuklidlərlə çirklənməsinin təsiri barədə “dəfələrlə yazılıb”.
Zaxarova xatırladır ki, tükənmiş uranı olan döyüş sursatlarının istifadə edildiyi yerlərdə onkoloji xəstəliklərin dəfələrlə artması qeyd olunur. Onun sözlərinə görə, bu, NATO-nun Yuqoslaviyaya qarşı təcavüzü zamanı italyan ordusu tərəfindən sınaqdan keçirilib və bundan sonra İtaliya parlamenti ətraflı araşdırma məlumatlarından ibarət 252 səhifəlik hesabat yayıb.
Mənbə: TASS