Britaniya kəşfiyyat rəsmiləri ölkədə artan terror təhlükəsi ilə bağlı Britaniya səlahiyyətlilərinə xəbərdarlıq edib. Bu barədə Daily Mail yazır.
“Kəşfiyyat rəsmiləri parlament üzvlərinə xəbərdarlıq ediblər ki, Britaniya torpaqlarında terror hücumu təhlükəsi kəskin şəkildə artmaqdadır”, materialda deyilir.
Nəşr qeyd edir ki, Britaniya kəşfiyyat xidmətləri ekstremist xarakterli söhbətlərə müdaxilə edir. Bildirilir ki, ekstremist təhlükənin bu səviyyəsi ABŞ-da 11 sentyabr 2001-ci il terror hücumlarından sonra müşahidə olunmayıb. Yerli rəsmilər etiraf edirlər ki, martın 10-u bazar günü başlayan müsəlmanların müqəddəs Ramazan ayında terror fəaliyyətində artım başlaya bilər.
Mənbə: Daily Mail
