Böyük Britaniya Bundesver zabitləri arasında sızdırılmış söhbətə baxmayaraq, Almaniyanı uzaqmənzilli “Taurus” raketlərini Kiyevə təhvil verməyə çağırır.
Bu barədə “The Guardian” qəzeti Britaniya hakimiyyətinin nümayəndəsinə istinadən xəbər verir.
Britaniya hökumətinin sözçüsü bildirib ki, Britaniya Ukraynaya uzunmənzilli dəqiqlikli raketləri ötürən ilk ölkədir və müttəfiqlərini də bunu etməyə çağırır.
Britaniya Müdafiə Nazirliyindəki mənbələrə görə, informasiya sızması qəbuledilməz hesab edilir, lakin kritik deyil. Qəzet qeyd edir ki, Böyük Britaniya hakimiyyəti ötən həftə Ukraynada “bir neçə” britaniyalı personalın olduğunu etiraf edib, lakin onların vəzifələrini açıqlamayıb.
Bazar ertəsi Bloomberg xəbər verib ki, Britaniya baş nazirinin sözçüsü Bundesver zabitləri arasında söhbətin sızmasını ciddi problem adlandırıb və hadisə ilə bağlı araşdırmanın Almaniyanın üzərinə düşdüyünü qeyd edib.
Mənbə: A Haber
