Hakimdən qərar zamanı maraqlı addım: ChatGPT-dən istifadə edib

03.02.2023 - 23:44526

Hakimdən qərar zamanı maraqlı addım: ChatGPT-dən istifadə edib

Kolumbiyalı hakim Xuan Manuel Padilla süni intellekt alətindən əqli qüsurlu uşağın tibbi maliyyələşdirməsi halında qanunun necə tətbiq olunacağını soruşub.

Süni intellekt presedentlə eyni qərarı verdi. Kolumbiyada bir hakim əqli qüsurlu uşağın sığortasının uşağın müalicəsinin bütün xərclərini ödəyib-ödəməyəcəyinə qərar verərkən ChatGPT süni intellekt alətindən istifadə etdiyini açıqlayıb.

O, qərarını dəstəkləmək üçün əvvəlki qərarların presedentindən də istifadə etdi. Kartagena şəhərinin məmuru Xuan Manuel Padilla belə qənaətə gəlib ki, uşağın müalicə və nəqliyyat xərclərini sığorta ödəməlidir, çünki valideynlərinin buna imkanı yoxdur.

Qərarın özü çox mübahisə yaratmasa da, Padillanın ChatGPT ilə söhbətlərinin daxil edilməsi diqqətəlayiq idi.

Padillanın chatbot ilə sorğularını ehtiva edən sənədlərdə Padillanın ChatGPT-yə aşağıdakı sualı verdiyi görüldü:

“Əqli qüsurlu uşaq terapiya üçün pul ödəməkdən azaddırmı?”

ChatGPT-nin cavabı hakimin yekun qərarına uyğundur:

“Bəli, düzdür. Kolumbiya qaydalarına əsasən, autizm diaqnozu qoyulmuş yetkinlik yaşına çatmayanlar müalicə xərclərini ödəməkdən azaddırlar”.

Bu iş qanunda süni intellektin istifadəsi ilə bağlı müzakirələrə səbəb olub və Padillanın bəzi həmkarları tərəfindən tənqid edilib.

Mənbə: Haber Turk

İctimai.az