2023-cü ilin iyulunda Vilnüsdə keçirilən NATO sammiti zamanı dost olmayan ölkələrdən olan hakerlər məxfi məlumatların yer aldığı saytları sındırıblar.
TASS xəbər verir ki, bu barədə Litvanın Dövlət Təhlükəsizliyi Departamentinin və Respublika Müdafiə Nazirliyi yanında İkinci Əməliyyat Xidməti Departamentinin (Hərbi Kəşfiyyat) illik açıq hesabatına istinadən məlumat yayıb.
Litva hərbi kəşfiyyatının rəisi Elegius Paulaviçyus hesabatın təqdimatında bildirib ki, haker hücumu qeydə alınıb. O, iddia edir ki, haker Rusiya hərbi kəşfiyyatının təhriki ilə həyata keçirilib.
“Bu kiber müdaxilənin məqsədləri Litvanı beynəlxalq arenada gözdən salmaq və dövlətimizi etibarsız tərəfdaş kimi təqdim etmək idi” dedi Paulaviçyus.
Onun sözlərinə görə, hakerlər Vilnüs Beynəlxalq Hava Limanına nümayəndə heyətlərinin çatma vaxtı, hansı mehmanxanaların yüksək rütbəli qonaqları qəbul edəcəyi, onlara təhkim edilmiş təhlükəsizlik işçilərinin ad və soyadları, silah-sursat və silahları barədə məxfi məlumatları əldə edib dərc edə biliblər. r
