Macarıstanın baş naziri Viktor Orban isveçli həmkarı Ulf Kristerssona Stokholmun NATO-ya daxil olması perspektivlərini müzakirə etmək üçün Budapeştə səfər etməyə dəvət edib. Bu barədə o, X (keçmiş Twitter) sosial şəbəkəsindəki səhifəsində yazıb.
“Bu gün mən İsveçin baş naziri Ulf Kristerssona İsveçin NATO-ya daxil olması ilə bağlı danışıqlar aparmaq üçün Macarıstana səfər etmək üçün dəvət göndərdim”, – Orban yazıb.
Əvvəllər İsveç hakimiyyəti Macarıstan haqqında tənqidi fikirlər səsləndirib və bu, ölkə parlamentində və Xarici İşlər Nazirliyində anlaşılmazlığa səbəb olub.
Mənbə: TASS